حوار صحفي مع الكاتب سمير سعيد فراج

تتقدم #جريدة_نور_القلم بِعمل حوار صحفي

الاسم: سمير سعيد فراج

السن: 20 سنه

المحافظة: البحيرة

الموهبة: تأليف وإلقاء الشِعر

بدأت إمتى: من حوالي 5 سنين

إكتشفتها إزاي: كان عيد ميلاد حد عزيز عليا وقتها وهو كان بيحب الشعر جداً وحبيت اني افرحه بطريقة خاصة وبدأت اكتب له بعض الكلمات بطريقة منسقة وبعدين اكتشفت اني كونت قصيدة رائعة

نوع الكتابة:كتابة الشِعر بالعامية والفصحيٰ

مين دعمك: ف البداية انا دعمت نفسي بنفسي ومستنتش حد يدعمني وقدرت اني انال علي اعجاب الكثير وبعد كدا طبعاً كل أصدقائي وأقاربي وطبعاً أهلي دعموني ومن قبلهم قد تلقيت الدعم من الله 

إنجازاتك:طبعاً أبرز إنجازاتي هو تواصل بعض القنوات الفضائية معايا للظهور علي شاشتها وأبرز هذه الإنجازات الظهور علي شاشة قناة الحدث وقناة الصحة والجمال

وطبعاً مع المشاركة ف العديد من الحفلات والمسابقات وقد حققت مراكز متقدمة كثيراً

جزء من كتاباتك:

هحاول بس اوصفها وهمشي ف الطريق وياها

و روحي الدايبه ف كسوفها بتعشق كل لحظه معاها

جمالها شئ طبيعي بجد

وأقوي من قانون المد

وعينها فيها شئ ساحر بينبع من صمام القلب

خلاص والله مش شاعر 

انا واصف بوصف الحب

خدودها شئ بيوصف شئ ونفس الشئ مهوش موجود

جمالها شئ طبيعي بجد..

ملوهش حدود

........

مشتاق لعنيها ولمسة ايدها وحركة شفايفها لما بتتكلم 

مشتاق لحنين م القلب بيطلع لما بشوفها بتمشي علي الأرض 

مشتاق لجناين قلبي اللي بتفتح وريحة الورد 

جوايا كلام بقالو سنين خايف يطلع او يحكي "فراق"

فببدل كلمة بمليون كلمة وبقول "مشتاق"

.....

نفسك توصل لأي في مجالك: نفسي أوصل ل أبعد مدي واحقق ما حققه الفنان الكبير هشام الجخ

تعرضت لحاجة احبطتك قبل كدَ في مجالك:يااااه طبعاً كتير بس الحمدلله كنت دايماً باخد الرأي الناقض كهدف للوصول لحلمي وإثبات الذات ودايماً كان بيذيدني إصرار

رسالة تحب تقولها لغيرك:احب اقول لكل انسان انت ف قلبك هدف وحلم قاتل علشان توصله انت ربنا خلقك مش علشان تعيش وخلاص وفي فرق شاسع بين التمني والمحاولة واللي بيحاول هيفشل مره واتنين وتلاته بس أوعي تيأس علشان مدام بتحاول يبقا حتماً هتوصل

استفادت ايه من تجربتك:استفدت كتير اووي ومره ف مره ف مره بتعلم حاجات كتير وعمري مقابلت حد الا وانا اتعلمت منه حاجه وخصتاً أصحاب الخبرات والتجارب العديدة

اكتر عيوب فيك ك كاتب ونفسك تغيرها: هو أوريدي محدش هقول علي نفسه وحش وكلنا عندنا عيوب والكمال لله وحده وانا الحمدلله بحاول أطور من نفسي علي قد مقدر وكل مره بتحسن أحسن

بتواجه الإنتقادات إزاي: باخد المنتقض ده كداعم وغالباً الانتقاض بيأثر عليا بالإيجاب علي عكس المتوقع لاني باخده كهدف والحمدلله ف المره او القصيدة اللي بعدها المنتقض ده بيتحول لداعم

مين قدوتك فـ مجالك: هشام الجخ

اي هيا الصعوبات الي وجهتك فـ طريقك: ان في ناس بتحاول انها تطلعك وحش بأي صورة ورغم ان الواحد بيكون أفضل منها 

وطبعاً جزء من الصعوبات ان الواحد مش دايماً بيلاقي دعم الا من بعض الناس

رسالة منك للكُتاب المبتدئين.؟ أحب أقول لأي حد لسه داخل وسط الكتابة او مبتدأ..متخليش أي حاجه توقفك عن حلمك او طريقك اللي انت راسمه لنفسك ومتيأسش مهما قابلت منتقضين وحاول تقريٰ كتير لمثلك الأعلي ف مجالك او الناس اللي هي متقدمة ف المجال لأن ده هيذو وهيحسن مستواك ف الكتابة

تتمني اي ل الجريده الفتره المقابله؟اتمني من كل قلبي انها توصل لأبعد طموح وانها تكون جريدة كبيرة ذات متابعة هائلة واتمني التوفيق دائماً

شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..

#جريدة_نور_القلم