حوار صحفي مع الكاتبه رودي حجازي

تتقدم #جريدة_نور_القلم بِعمل حوار صحفي

الاسم: رودي حجازي 

السن: 19

المحافظة: القاهره

الموهبة: الصراحه فنانه مُتكامله الحمد لله من { تمثيل ، غُنيٰ ، شِعر ، كتابه ، رسم }

بدأت إمتى: بالنسبة للكتابه والشِعر غالبًا من وانا صغيره ولكن مكنتش اعرف انهم عندي أو مواهب والمفروض اهتم بيهم بردوا وكده كنت بكتب لما احب وبس في فترة الابتدائي غير الرسم كنت عارفه من سن ال 6 سنين تقريبا وكنت بطورة مع نفسي كتير والغُنيٰ في الاعدادي أما التمثيل فـ من سنه تقريبًا 

إكتشفتها إزاي: الرسم كان شئ واضح سواء ليا أو للجميع الغُنيٰ كنت بدندِن عادي وصديقتي اكتشفتهالي ومن هنا بدأت اطلع واغني في مدرستي وفي حفلات او مسابقات تبعها أما بالنسبه للكتابه والشِعر فده كان شئ مُلفت جدا لاني عمري م كان في بالي اني اكون كاتبه وسبحان الله دلوقتي كل تركيزي في الشِعر والتمثيل _"

نوع الكتابة: شِعر عامي ، كتابة روايات وافلام ومسلسلات 

مين دعمك: ماما وبعض صديقاتي واقاربي_''

إنجازاتك: مش انا اللي بحكي عنها لانه شايفه أنه الانجازات لازم غيري يكون شايفها بس اقدر اقول بكل ثقه أنه الحمد لله اني محبوبه في الوسط وده بيكفيني ♥️.

جزء من كتاباتك:

كان رغيف '

وقت م اتقسم قام مسافر 

نُص ليا ونُص ليه

النُص بتاعي مش سليم 

كان ده شايفه كل أهله 

فاجأه بدونه بقيٰ يتيم

نُصي عافِـر

ربي شاهد اني كنت 

وَعده نفسي بإني ليه 

ربي عالم 

اني في يوم م دعيت عليه 

فاجأه أهون 

فاجأه يمشي وقت السِكونْ

قام مشاور من بعيد 

قام مودع قال وداع

نُصي ضاع 

نُصي فاكر كل كلمه 

من سنين في العُمر عديٰ 

نُصي شاف في عينه القسوه 

لما غيره اداني غَمزَه 

لسه حالف انه باقي 

الكرامه فيه لكن 

هو شاري 

او سـخيف 

والمقصود مش رغيف 

 هو قلبي طلع خفيف ' 

#رودي_حجازي

الكتب الي اشتركت فيها: مفيش خالص يمكن فكرتي غلط بس انا حابه يوم م يكون علي كتاب اسمي يبقي بتاعي انا بس مش بالمشاركة اطلاقا مع أي حد 

اشتغلت ليدر او مؤسس قبل كده و في كيان ايه: اها ، دعم مواهب 

الكيانات الي كنت فيها: دعم مواهب

نفسك توصل لأي في مجالك: كل اللي بسعيٰ ليه دايما مش الشهره لا الحُب اني اكون محبوبه جدا والكل يحب يسمعني ويشوفني ديه حاجه بتسعدني جدا 

تعرضت لحاجة احبطتك قبل كدَ في مجالك : ده اكيد ، لكن لو عندي هدف وحطاه بالفعل في بالي واعيه بشكل كافي اني احدد انا عايزه ايه وقتها محدش يقدر يقلل من ثقتك أو طموحاتك 

رسالة تحب تقولها لغيرك:

ابدأ بـ رآيك في نفسك ثم رآي الآخرين فيك ، وديه حط تحتيها ميت خط❗، لأنها هتفرق جامد معاك لازم تفهم انك حتيٰ ولو بتاخد راي حد كبير جدا في الوسط وبقاله سنين ايًا كان مجال ايه اوعيٰ تاخد برآيه وبس شوف رآيك شوف هدفك وشوف ازاي تطور من نفسك ده مش معناه انك ترمي كلامه بس في نفس الوقت متهتمش ليه انا اتعرضت للكلام المحبط جدا وخصوصا فتره كنت بداية كتابتي للشِعر وكان بيدربني شاعر اخر م زهق قالي رودي متكتبيش شِعر تاني غالبا مكانش طايق اني ازاي بكتب شِعر غلط وكأن الشِعر أهله ومن بعد كلمته بِعدت فعلا فتره لكن رجعت افتكرت حب الناس ليا وأنهم عايزني اكمل ومشتاقين ل كتاباتي وقتها فهمت أنه رآيه لا يعنيني وأنه طبيعي يحصل كده لاني في البدايه لكن ده مش معناه اني أتراجع وانا مش بسعي أكون اكبر شاعره في الوسط خالص زي ك الكل متوقع ده مكانش حلمي كل حلمي اني اكون ممثله بأدوار معينه وبحجابي أو موديل ولكن من ساعتها واخده قرار مهم جدا قدام ده مكانش حلمي اصلا فـ مع السلامه للوزن والقافيه وكل الكلام اللي بيدققوا فيه ده ، هما اكيد مهمين ولكن انا كل اللي يهمني اني اكتب باحساسي وزي م خرج من قلبي يوصل لقلوب الناس _" ومن بعد قراري سبحان الله بقيت بكتب بشكل احسن مليون مره ما شاء اللّٰه والوزن والقافيه اتعدلوا لوحدهم مع اني مببقاش قصداها وكل اللي بيجي في بالي بكتبه ولما احِس اني حساه ومأثر فيا بنزله عادي جدا من دون أي مراجعه 

استفادت ايه من تجربتك:

رآيك هو اللي مهم ومن بعديه رآي الناس اللي بتدعمك مش رآيي الناس الكبار في الوسط لانه طبيعي نقابل اراء كتيره مختلفه وغير أنه انت مثلا لو لسه مبتدأ اكيد مش هتتقارن باللي بيكتب من 10 ، 15 سنه فبلاش نشوف الناس ديه وناخد برآيهم ونرمي الباقي قارن بينهم شوف انهي كفه طَبه اكتر والكفه اللي تفوز امشي عليها 

اكتر عيوب فيك ك كاتب ونفسك تغيرها: 

اني مبسجلش ڤيديوهات كتير وده غالبا مبيوصلش احساسي معظم الوقت 

بتواجه الإنتقادات إزاي: 

زي لسه بدري اوي عليكِ علشان تكوني شاعره كبيره او ...+الخ... 

بلاش الهدف ده دلوقتي شوفي اي موهبه تانيه 

مين قدوتك فـ مجالك: الصراحه اخشيٰ أن أنسيٰ أحدهم ولكن كلهم عظماء ما شاء اللّٰه ، منهم مثلا محمد الصغير ، احمد نادر ، اسلام رفعت ، فرج البنا ، محمود خالد ، مريم عزيز ، ابراهيم فرج ، اميره البيلي ، ياسمين مصطفي ، نورهان شعبان ، أحمد مزيكا ، فارس عجوه ، يوسف محمود ، هشام الجخ ، عمار خالد ، أحمد حسن ، هما ناس كتير بجد وحاسه اني ناسيه ناس كتير منهم ولكن موفقين جميعهم بإذن اللّٰه ✨

كِتاب قرأته وترك أثر طيب تنصح بيه الجميع: كل اللي ذكرتهم حقيقي ما شاء اللّٰه ✨

اي هيا الصعوبات الي وجهتك فـ طريقك: 

قاموس كلمات ممكن ابقي عايزه كلمه تتناسب مع كلمه وفي بالي بس مش بطريقه صحيحه والحل في ده أننا نقرأ ل غيرنا دايما وكل مره بتعلم منهم كلمات اكتر حقيقي ♥️

رساله منك للكُتاب المبتدئين: اقرؤا كتير واكتبوا في نفس الوقت مفيش حاجه اسمها تسيب نفسك تقرأ كام سنه علشان تكتب ده شئ بيبقي تلقائي عندك وحابب تتكلم عنه ف اقرأ واكتب والأهم انك تكون حاسس اللي بتكتبه يأثر فيك انت شخصيا قبل غيرك ✨

تتمني اي ل الجريده الفتره المقابله؟ كل الدعم والتفوق بإذن اللّٰه وإن شاء اللّٰه تبقي من اشهر الجرايد في مصر ✨

شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..

- الـمـحـرره الـصـحـفيـه نـدى مـحـمـد"37"

#جريدة_نور_القلم