حوار صحفي مع الكاتب يوسف حسام
تتقدم #جريدة_نور_القلم بِعمل حوار صحفي
الاسم: يوسف حسام شرف الدين
السن: 20 سنة
المحافظة: الشرقية
الموهبة: الكتابة الإبداعية
بدأت إمتى: تقريبًا من 5 أو 6 سنوات
إكتشفتها إزاي: الحقيقة جات بالصدفة لكن نميتها بدرايتي
نوع الكتابة: متعدد (خواطر، قصص قصيرة، نصوص نثرية، قصائد نثرية، سيناريوهات مسرحية وأفلام قصيرة)
مين دعمك: أول وأكتر حد دعمني هو مدرس اللغة العربية أستاذ محمد إبراهيم، هو أكتر حد دعمني عشان أكمل لحد ما الحمدلله وصلت ونجحت
إنجازاتك: كاتب فوق ال1000 نص قصير
كاتب 6 مسرحيات، من ضمنهم مسرحية (جلالتهم) هتتعرض قريب في معرض الأدب والفن التابع لجامعة عين شمس
جزء من كتاباتك:
1010
مش لاقي سبب للنجاح
ولا أي طوق نجاة
مشيت طريق طويل
لحد آخر مُنتهاه
دعيت بشخص جميل
يعدل قلبي اللي بيميل
مشيت وصبري قليل
لحد قلبي ما التقاه
قلبي مال ومال
وميل قلبي مش بالساهل
دماغي حديد وقلبي كان
لكن على إيدك قلبي لان
لكن قلبي متآكل
ونقول كمان
معاكي حسيت بالأمان
لاجلك نسيت كل اللي كان
يا أعظم شخص على الكوكب
حنيلي....
#يوسف_خان
الكتب الي اشتركت فيها: كتاب (ويلدا) عبارة عن كتاب قصص قصيرة مجمع...
اشتغلت ليدر او مؤسس قبل كده و في كيان ايه:
-ليدر فريق الكتابة في كيان فن الشباب
-نائب مجتمع الكتابة في مبادرة مترو آرت
-مُحاضر لكورس الكتابة في كيان أحلام شابة
-ليدر تيم الكتابة في كيان رحيق
الكيانات الي كنت فيها: كيان فن الشباب، كيان أحلام شابة، كيان رحيق
نفسك توصل لأي في مجالك:
جائزة نوبل في الأدب
تعرضت لحاجة احبطتك قبل كدَ في مجالك:
كتير.. محدش بينجح حتى لو نجاح صغير إلا وبيقابل بدل العقبة مليون
رسالة تحب تقولها لغيرك: إوعى تبطل سعي ورا حلمك وطموحك مهما كان السبب، دي الحاجة الوحيدة اللي قادرة تخليك فخور بنفسك....
استفادت ايه من تجربتك: اكتسبت خبرات كتير جدًا من القراءة لأكثر من كاتب
اكتر عيوب فيك ككاتب ونفسك تغيرها: إني شخص مزاجي جدًا، يمكن ده عيب في شخصيتي مش فيا ككاتب لكن بكتب بمزاجي وبشتغل بمزاجي، لو مليش مزاج أو مش عايز أكتب مبكتبش
بتواجه الانتقادات ازاي: بكتب نص جديد يزود عدد النصوص وده في حد ذاته بيرد عليهم
مين قدوتك فـ مجالك: الأديب والكاتب أحمد شوقي
اي هيا الصعوبات اللي واجهتك في طريقك: عدم وجود فرص حقيقية للشباب
رساله منك للكُتاب المبتدئين: متبطلوش سعي مهما كلف الأمر، في الأول والآخر إحنا بنكتب لإننا بنحب نكتب ونعبر عن معتقداتنا ووجهة نظرنا للحاجات اللي حوالينا بالكتابة
#كيان_رحيق
#جريدة_نور_القلم
شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..
تعليقات
إرسال تعليق