حوار صحفي مع الكاتبه ندي كامل

تتقدم #جريدة_نور_القلم بِعمل حوار صحفي

الاسم: ندى كامل

السن:16 

المحافظة: القليوبيه

الموهبة: الكتابة 

بدأت إمتى: من سنتين

إكتشفتها إزاي: بالصدفة كنت بقرأ رواية للكاتب عمرو عبدالحميد وكتبت في صفحه فيها خاطره وحبيتها وعجبت الأشخاص اللى ورتهالهم ومن هنا بدأت  

نوع الكتابة: خواطر وإرتجالات وقصص قصيره وروايات

مين دعمك: أختى وأمى وصديقتي المقربة ريم إسلام

إنجازاتك: اشتركت في كُتب الكترونيه كتير

جزء من كتاباتك:*إشتياق الفُراق*

*"حِينَ أراكَ أشعر بالرّبكة الشديدة، والتوتر بداخلي، ولا أستطيع أن اُنزِل عيناي عَنك، كَأنّك مُصمم على جَعلي أتَعلق بكَ في كُلِ مرة أراكَ بِها، رُبما تِلكَ المشاعِر البسيطة بالنسبة للبعض هُراءٍ تافه، لكنها كُل شيٍء بِالنسبة لي، في كُل مَرة تُغادر بها كنتَ تَجعلُني أطُوق الإنتظار؛ لِرؤيتك في المرة القادمة، وتَجعلُني أتساءل داخلي متى سأَرَاكَ مَرة أخرى؟ حَتى أنظُر الى عينَيك، وأُخبِركَ كم أشتاقُ إليكَ، حَتى وأنتَ بِقربي فَإني أشتاقُ إليك، حَتى وبَعد أن بَعُدَتْ المسافات بيننا، وطَالَ الزمَان، وتركتني ورَحَلت، وزِيادة إشْتياقي إليكَ، وكَثرة حُزني؛ بِسبب مَا توصّلنَا إليه مِن الفُرَاق، كنتَ وستظل أنتَ المالِكُ الوحيدُ لقَلبي الذي لم يستطع أنْ يتخطّاه أحد حتى الآن"*  

الكتب الي اشتركت فيها: كتاب ورقي ولسه مخلصش

اشتغلت ليدر او مؤسس قبل كده و في كيان ايه: ليدر في تيم طَيف تبع كيان رَحيق

الكيانات الي كنت فيها: رَحِيق، إڤلين وحبر أسود

نفسك توصل لأي في مجالك: أبقي كاتبه كبيره جدا ومعروفه وعندى كُتب خاصه بيا وأبقي مؤلفه وروائيه وأكتب كُتب تدعم البشر في حياتهم الخاصه والنفسيه

تعرضت لحاجة احبطتك قبل كدَ في مجالك: كتير جدًا وقدرت اتغلب عليها الحمدلله

رسالة تحب تقولها لغيرك: ماتيأسش بسبب أى حاجه بتحصلك في حياتك لأن اى حاجه بتحصلك أكيد ليها حكمه من عند ربنا حتى لو حلمك ماتحققش فربنا أكيد عاينلك الأحسن في مكان أفضل يليق بيك

استفادت ايه من تجربتك: إستفدت حاجات كتير سواء في موهبتي او حياتى في موهبتي عرفت اتقدم فيها كويس واتقن حاجات جديده وفي حياتى الخاصه عرفت اتغلب على حاجات كتير كانت بتقف معايا وعرفت اغير من نفسي للأحسن كتير

اكتر عيوب فيك ك كاتب ونفسك تغيرها: إنى مابراجعش نصي او اى حاجه بكتبها بعد ما اخلصها وبالتالى بتبقي فيها أخطاء إملائيه كتير

بتواجه الانتقادات ازاي: لو الإنتقادات سيئه وبتحبطنى مابهتمش بيها نهائي ولو هي هتعمل منى حاجه حلوه وهتغير حاجه فيا فبحاول أعدل من نفسي وأستمع ليها بشكل يغيرنى للأفضل

مين قدوتك فـ مجالك: الدكتوره حنان لاشين والكاتب عمرو عبدالحميد والدكتوره خوله حمدى

اي هيا الصعوبات الي وجهتك فـ طريقك: كتير منها كلام اللى حواليا والتريقه اللى بتيجي من قرايبي وكمان منها انه انا لسه بدرس فببقي مشغوله بدراستي بوقت كبير

رساله منك للكُتاب المبتدئين: حاول تعدل من نفسك في الأول واقرأ كتير ويُفضل انك تاخد كورسات وتدخل في أى كيان بيبقي فيهم كورسات كتير مجانيه وهتستفيد خبره وحاول تكتب بشكل يعبر عنك وعن اللى جواك الكلام هيطلع مترتب وبشكل أفضل وفكره حلوه وممتازه وماتسمعش لأى حد يقولك انت فاشل ومش هتوصل لأنهم بيقللوا منك وبيسخروا مش أكتر فإتدرب على نفسك بس وماتهتمش لكلام اللى حواليك 

#كيان_رحيق

#جريدة_نور_القلم

شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..