حوار صحفي مع الكاتب أيمن عبد الرحمن
تتقدم #جريدة_نور_القلم بِعمل حوار صحفي
الاسم : أيمن عبدالرحمن رمضان .
السن : 19 .
المحافظة : بني سويف .
الموهبة : الشِعر والخواطر .
بدأت إمتى : مُن سنتين .
إكتشفتها إزاي : مِن حُبي في القراءة بالإضافة لما كنت بكتب رباعيات شِعر وبعض الخواطر كانت بتنال اعجاب ناس كثيره .
نوع الكتابة : شِعر عامي وخواطر .
مين دعمك : أولًا الفضل يرجع لربنا ثم أهلي وبعض اصدقائي .
إنجازاتك : اشتركت في كتاب خواطر مُجمع وتم تكريمي في أكثر مِن كيان وأتعمل معايا أكثر من حوار صحفي .
جزء من كتاباتك :
قصيده " حُزن خام "
مش مجرد قصيده بتتكتب
ولا حتي كام سطر بعنوان
أنا يمكن كنت بعاني
وجوايا مليان أحزان
مش مجرد قصيده بكتبها
دا أنا والله حُزني خام
حُزني مكنش هين
وتبان دموعي ف كل مكان
قدامي كُل البيبان متقفله
أنا يمكن بضحك رغم حُزني الخام
يمكن بضحك وعندي اكتئاب
أسف .. مكنش ب أيدي
أسف .. لحُزني الخام
أسف ل اكتئابي وزعلي من غير أسباب
ليلي طويل وحُزني خام
وعالم فاني وناس ملهاش أمان
ليل طويل وافكار تراودك
عايش وحدك ودخول اكتئاب
يقولوا بصوا مين جاي من بعيد
مريض نفسي حبسوه فِ زنزانه
علشان بيعاني مِ الأكتئاب
سجاير وبُن تقيل
وبتعاني مِ الاكتئاب
خلق مريضه فاكراك مجنون
وأنت يا عيني مِ الأكتئاب مخنوق
متزعلوش مِن حُزني
ولا حتي مِ الأكتئاب
دا هما يومين والعالم هنفارق
دي سنه الحياه والكُل فاني
الكتب الي اشتركت فيها : كتاب غيابات الحزن .
اشتغلت ليدر او مؤسس قبل كده و في كيان ايه : لا
الكيانات الي كنت فيها : كيان سُجناء القلم / أمنيات / همج لطيف / نصوص عظيمه / النخبه" اقلام شابه" .
نفسك توصل لأي في مجالك :
نفسي أترك أثر طيب في الناس وأكبر في مجال الشِعر وأوصل لحلمي وإن أسمي يتردد بين الناس ک أفضل شاعر عامي .
تعرضت لحاجة احبطتك قبل كدَ في مجالك :
أكيد اتعرضت لانتقادات سلبيه كثيره من ناس كثيره بس كنت بحاول اتخطي و أطور من نفسي ولما بدأت في المجال كنت عارف أن أنا هقابل انتقادات كثيرة لأن أي إنسان ناجح ليه أعداء .
رسالة تحب تقولها لغيرك :
حابب اقول لأي شخص أنه يسعيٰ ورا حلمه وأنه يتخطيٰ اي انتقاد سلبي يواجهه في مجاله لأنه أكيد هيقابل ناس مش هتبقي حابه تشوفه في مركز كويس وبيوصل لحلمه وناس كثيره هتحاول تقوله أنك مش موهوب بس أنت لو واثق من نفسك وقدراتك هتوصل وتثبت أنك موهوب فعلًا .
استفادت ايه من تجربتك :
إن كل ما كان حلمك صعب الوصل إليه وبيحتاج مجهود بتحس إن حلمك يستاهل وإنك بتعمل حاجه كبيره ليها قيمه علي عكس لما بتكون سهله المَنال .
اكتر عيوب فيك ك كاتب ونفسك تغيرها : العصبيه واليأس السريع .
بتواجه الإنتقادات إزاي :
بتجاهل أي انتقاد علشان ميأثرش عليا بالسلب وبحاول أخد الإنتقاد ک تحفيز لتطوير نفسي أكثر .
مين قدوتك فـ مجالك :
صلاح جاهين _ فؤاد حداد _ الأبنودي _ عمرو حسن .
اي هيا الصعوبات الي وجهتك فـ طريقك :
بعض الإنتقادات السلبيه بالأضافه لضغط الكليه والمذاكرة وأوقات مكنتش بكتب كثير بسبب كدا .
رساله منك للكُتاب المبتدئين :
أنه يسعيٰ ورا حلمه ويتقبل أي انتقاد يقابله في مجال الكتابه لأنه زي ما هيلاقي ناس بتشجعه هيلاقي اللي ينتقده ويحبط فيه بس طالما دخلت المجال دا وأنت موهوب فعلًا هتوصل ومش هتتأثر بأي إنتقادات سلبيه وأخيرًا لو عاوز توصل عافر بكل ما فيك لأن حلمك وهدفك يستاهلوا .
شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا ..
#جريدة_نور_القلم
تعليقات
إرسال تعليق