حوار صحفي مع الكاتب محمد عمرو
تتقدم #جريدة_نور_القلم بِعمل حوار صحفي
الاسم: محمد عمرو
السن: 18 سنة
المحافظة: القليوبية
الموهبة: روائي وشاعر بفضل الله
بدأت إمتى: واللهِ من زمان من أيام الطفولة كنت بحب أكتب أنمي وكدَ علشان طفل يعني بس لما كبرت كبرتها الحمدلله وأتطورت فيها الحمدلله لحد سلاسل نهاية البشرية
إكتشفتها إزاي: إكتشفتها مع نفسي من صغري وكبرتها الحمدلله بالرغم إن محدش كان مصدقني وبيضحكوا عليا وانا بألف كرتون وكدَ
نوع الكتابة: روايات بشتى أنواعها بفضل الله وكذلك قصائد عامة ونادرًا فصحى
مين دعمك: أختي بصراحة كانت بتدعمني بشكل كبير وحاليًا وبعد ما أثبت نفسي بفضل الله بقا كتير من أهلي وأصحابي يدعموني بفضل الله رغم إنهم مكنوش مقتنعين نهائي في البداية
إنجازاتك: حتى الآن مأنجزتش كتير يمكن كام كتاب مشترك روايات وخواطر بس إنجازاتي بجد هي رواياتي وفرحتي لما بشوف الناس بتشيد بيها وتقول إنها مختلفة عن أي رواية قرأوها بفضل الله أكمني بحب الغموض وكدَ
جزء من كتاباتك:
" جزء من قصيدة في غمضة عين "
جيت لـ الدنيا في غمضة عين
والغمضة التانية شوفني فين..؟!
قاعد على سريري بصارع الموت
معقولة العُمر كدَ بيــفوت..؟!
في يوم دخولي لـ الدنيا شالوني
ويوم خروجي برضوا شالوني
إحساس فظيع إن الحيـاة مكملة
والدنيا ماشية خلاص بـدوني..!!
إحساس فظيع إن البداية والنهاية
بينهم ثـواني مشيـوا وسابوني..!!
من يوم ولادتــي وصرختي
شوفوا دلوقتِ أنا قاعد فين..؟!
آااه يا خسارة يا حـسرتي
وراح العُمر في غـمـضة عين..!!
الكتب الي اشتركت فيها:
( بحر الفتن روايات .. أغتيال فكر خواطر .. ما بين السطور خواطر .. فجوة داخلية خواطر)
اشتغلت ليدر او مؤسس قبل كده و في كيان ايه: ليدر في تيم روايات .. كيان تبلج قلم
الكيانات الي كنت فيها: انا اكتفيت بكيان تبلج قلم بس علشان مشغلش نفسي عن الدراسة
نفسك توصل لأي في مجالك:
" نفسي أغير حاجات كتير .. أبقا زي دكتور أحمد خالد توفيق وعمرو عبد الحميد .. نفسي أغير مسار الفن في مصر ونعمل فن نضيف مش العك اللي بيحصل والإسفاف دَ .. فن بجد .. فن منتكسفش منه وإحنا بنتفرج ومناخدش عليه ذنوب "
تعرضت لحاجة احبطتك قبل كدَ في مجالك:
كتير ويمكن إن التشجيع في المجال قليل وبتشوف ناس موهوبة ومش عليهم العين على عكس ناس واخدينها لعبة والناس بتطبل ليهم بكل قوتهم
رسالة تحب تقولها لغيرك:
" كمل مشوارك ومتيأسش .. إنت أقوى من الظروف ومتخفش .. أزرع الأسباب ومتخفش من حصد النتايج دي على ربنا بقا ورب الخير لا يأتي إلا بالخير "
استفادت ايه من تجربتك:
" ياما هنشوف في حياتنا بس طول ما إنت سايبها على ربنا يبقا كله هيعدي "
اكتر عيوب فيك ك كاتب ونفسك تغيرها:
" عايز أنمي موهبتي في الشعر الفصحى أكتر من كدَ وعايز أتجراء وأطلع إلقاء على المسرح بس عندي خوف "
بتواجه الإنتقادات إزاي:
" عادي .. اي حد ناجح لازم يعاني علشان يوصل وإلا طعم النجاح هيبقا مُر لو خدناه على الجاهز "
مين قدوتك فـ مجالك:
" بصراحة مش كتير بس بحب جدًا الأستاذ بشار البحيري وكتاباته عظيمة فعلًا "
كِتاب قرأته وترك أثر طيب تنصح بيه الجميع:
" كـ رواية يبقا في قلبي أنثى عبرية .. مواعظ جميلة جدًا "
اي هيا الصعوبات الي وجهتك فـ طريقك:
" كلام الناس أكتر حاجة "
رساله منك للكُتاب المبتدئين:
" زي ما قولت كمل طريقك ومتخفش وسيبها على ربنا .. إنت عليك تقول يارب ومتتكسفش .. وربك جابر للخواطر مش هيزعلك"
شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..
#جريدة_نور_القلم
تعليقات
إرسال تعليق