حوار صحفي مع الكاتب صلاح موسي

 تتقدم #جريدة_نور_القلم بِعمل حوار صحفي

الاسم: صلاح موسي

السن: 21

المحافظة: الدقهلية في مدينة المنصورة

الموهبة: شعر

بدأت إمتى: بدٱت ٱكتب شعر حقيقي وعمري 16 سنة

إكتشفتها إزاي: انا اصلا بحب الفن بجميع اشكاله زي الغنا والرسم ده غير اني كنت بكتب قصص وروايات وخواطر وغيرها من الهوايات والمواهب,بس لما كتبت الشعر كان بالنسبة لي فضفضة لكن لما لقيت كلماتي عجبت عدد كبير من الناس بدٱت ٱهتم وٱطور من موهبتي وبدٱت اكتب عن كل حاجة الناس بتعيشها

نوع الكتابة:شعر عامية

مين دعمك: فيه ناس كتير شجعتني بالكلام المحفز لكن بصراحة لم يرتقي لكلمة دعم, يعني قالوا عاش واستمر والكلام اللي زي كده,بس مش دعم بمعنى الكلمة

إنجازاتك: الحمد لله بتوفيق من ربنا حققت انجازات كتير,منها الحصول على المركز الأول في مسابقة الشعر كٱفضل شاعر في محافظة الدقهلية في مسابقة من تنظيم وزارة الشباب والرياضة,

حققت شهرة مرضية الى حد ما,

قصايدي وصلت لعدد كبير من المشاهدات على مواقع التواصل الاجتماعي خصوصا يوتيوب,

لكن اجمل شيء بالنسبة لي اني قدرت ٱوصل لقلوب الناس,

جزء من كتاباتك:

القدس عاصمة ٱبدية

لدولة فلسطين الٱبية

وطول ما انتم طمعانين فيها

مش هتلاقوا غير الٱذية

احنا الشعب هنذلكم

هننزل نصفي في دمكم

فلسطين هتفضل ارضنا

غصب عن امريكا وعنكم

يا صهاينة إلزموا حدودكم

والله لنمحي وجودكم

ده اصغر طفل عربي

قادر يرعب جنودكم

احنا العرب راجعين

وخلوا عندكم يقين

ان بلادنا هترجع حرة

وهنعلي شعار الدين

مستحيل شمسنا تغيب

يا خنازير تل أبيب

استحالة نسيب شيء

وصى عليه الحبيب

فلسطين هتفضل لينا

نفديها بكل ما فينا

والضحكة هترجع تترسم

والعالم هيسمع غناوينا

وحياة ارواح ولادنا

قريب هتكتر اعيادنا

وهنحتفل في كل لحظة

بمناسبة تحرير بلادنا

الكتب الي اشتركت فيها:شاركت في بعض الكتب المجمعة,قريب ان شاء الله هعلن عن اول ديوان ليا,

اشتغلت ليدر او مؤسس قبل كده و في كيان ايه: شاركت في اكتر من كيان واشتغلت في اكتر من جريدة سواء عضو او ليدر

الكيانات الي كنت فيها:

نفسك توصل لأي في مجالك: نفسي ٱوصل لٱبعد مكان,واكون ٱكبر شاعر في الوطن العربي والعالم,

تعرضت لحاجة احبطتك قبل كدَ في مجالك: طبعا فيه ناس قالت لي كلام يحبطني,ده غير اني قررت الإعتزال اكتر من مرة

رسالة تحب تقولها لغيرك:حارب لاجل توصل لهدفك,إعمل اللي بتحبه طالما ما بيضرش حد,على قد تعبك هيكون نجاحك,

استفادت ايه من تجربتك:كسبت محبة الناس,عرفت ٱشخاص جديدة من الوسط الٱدبي والفني,

اكتر عيوب فيك ك كاتب ونفسك تغيرها: معظم قصايدي حزينة لإني بكتب وقت حزني

بتواجه الإنتقادات إزاي: باخد الإيجابي منها واحاول استفاد منه اما السلبي كإني ما سمعتهوش

مين قدوتك فـ مجالك: بحب كلمات محمد ابراهيم وعمرو حسن وطبعا احمد فؤاد نجم وصلاح چاهين والٱبنودي,

كِتاب قرأته وترك أثر طيب تنصح بيه الجميع: مش كتاب محدد لكن بحب كتب التنمية البشرية 

اي هيا الصعوبات الي وجهتك فـ طريقك: كتير بس انا شايف ان لو الإنسان صمم يوصل لحلمه هيشوف الصعوبات دي حاجة بتخلي لحياته طعم وبتقوي شخصيته

رساله منك للكُتاب المبتدئين:مستواك هيعلى وهتكون افضل,بس انت إقرٱ وطور من نفسك,وإكتب عن اللي الناس بتحسه وبتعيشه يوميا

شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..

#جريدة_نور_القمر