حوار صحفي مع الكاتبه نورا كمال السيد
تتقدم #جريدة_نور_القلم بِعمل حوار صحفي
الاسم: نورا كمال السيد
السن: ١٦
المحافظة: سوهاج
الموهبة: كتابه وإلقاء شعر عامي
بدأت إمتى: من حوالي ٣ شهور
إكتشفتها إزاي: كنت بكتب بصراحه بس مش بنشر كتابتي عشان كنت فاكره اني مش بعرف وكده ودي مش كتابه اصلا لحد ما في يوم لقيت مسابقه فقلت ادخل واخدت فيها مركز اول
نوع الكتابة: شعر وخواطر
مين دعمك: مامتي ومرات اخويا واختي٢ من صحابي
إنجازاتك: دخلت مسابقات كتيير وكنت دايما باخد مركز
جزء من كتاباتك: كنت بكتب شعر عامي
وكل شعري عن حزن قلبي
عن حياتي
عن صراع مع نفسي ذاتي
عن ضحكتي وسط الوحوش وقلبي كله حزن وخوف
عن دموعي وسط ضحكي ولعبي دايما
عن صراخ مكتوم في قلبي نفسي اصرخ مره اقول حقي
عن حياة طفله بريئه جات لدنيا وعيشه غبره
عن عيون باتت حزينه
يشهد الليل ونجومه
تشهد الحيطه اللي جمبي
والصداع اللي بقاا ملازمني
يشهد الليل وصراخه
اللي قالوا عنو هادي
كنت احكي شويه من حزني
قالوا عني اني بفتي
كنت احكي علي قلبي اللي وجعني
قالوا عني مزوداها
كنت احكي عن حياتي قالوا عني مبالغه فيها
كنت أخاف انشر كتابتي يقولوا عني مريضه نفسي في النهاية هموت حزينه يمكن سعيده
الكتب الي اشتركت فيها: مشتركه في كتابين بس لسه متنشروش
اشتغلت ليدر او مؤسس قبل كده و في كيان ايه: لا
الكيانات الي كنت فيها:حلم بسيط ، حلم كاتب، حبر الحياه ، فن القلم
نفسك توصل لأي في مجالك: نفسي اتعرف يعني ويكون عندي كتاب خاص بيا
تعرضت لحاجة احبطتك قبل كدَ في مجالك:اه كتيير
رسالة تحب تقولها لغيرك: خليك ورا حلمك اوعي تستسلم حلمك يستاهل
اكتر عيوب فيك ك كاتب ونفسك تغيرها: عدم الجرأه
بتواجه الإنتقادات إزاي: مش بهتم بيها بسمعها بكل احترام بس مش بحطها في دماغي
مين قدوتك فـ مجالك: عبد الرحمن الابنودي
كِتاب قرأته وترك أثر طيب تنصح بيه الجميع: يوتوبيا للدكتور احمد خالد توفيق
وكتاب الايام للدكتور طه حسين
اي هيا الصعوبات الي وجهتك فـ طريقك: الاستهتار بكتابتي في الاول كان في كتير بيتريق عليها لحد ما وصلت هنا
رساله منك للكُتاب المبتدئين: الكتابه شيء جميل بس اهم حاجه عشان تكتب وتبقي كاتب لازم تقرأ كتيييير اويي وأهم من دا كلوا خليك ورا حلمك
شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..
#جريدة_نور_القلم
تعليقات
إرسال تعليق