حوار صحفي مع الكاتبه داليا مصطفى سعد
تتقدم #جريدة_نور_القلم بِعمل حوار صحفي
الاسم: داليا مصطفي سعد محمد "حواديت"
السن: 20
المحافظة: الاسكندرية |القاهرة
الموهبة: شاعرة|كاتبة|روائية|ديزينر|فوتغرافر|منتاچ|دوبلاچ|ممثلة |تأليف
بدأت إمتى: 28/9/2014
إكتشفتها إزاي: لما كتبت عن قصة اخويا بعد غياب 22 سنه
نوع الكتابة: شِعر عامي وفصحي |الكتابة بـ كل انواعها |تأليف
مين دعمك: نفسي
إنجازاتك: هو مفيش انجازات كتير لاني منعزله بس كتبت ثلاث روايات "تجهلتني فأحببتُها ♡ أم شعر هاوي♡أحبني مخلوق فضائي" | دخلت مسابقات كتير والحمدالله بطلع ديماً مركز أول او تاني | وبإذن الله في حاجة بنحضر ليها انا وبعض الشعراء
جزء من كتاباتك: كـ شِعر
سلم عليا اخر سلام
ومكنش خالص في الاحلام
إني في يوم هسيبو
وانهم هيقولو مش نصيبو
واني هفتح عيني مش هلاقيك
انا نفسي تديني فرصه
عشان اعرف اشيلك في قلبي واخليك
ليه
ليه سبت
ما انت عارف إني من بعدك عشتي زفت
ليه
ليه اتخليت
وكأنك ناوي اصلاً ومخطط من الأول انك تسيب البيت
طيب مين هيقولك ياحبيبي
ولا بدلتني في ثواني
ولا عشان مقولتش في مرة يابيبي
ولا بدلتني بحد تاني
شايف غيابك كده صح
شايف عشتي عامله ازاي
بطل تعمل نفسك ناصح
انت مش عارف اللي جي
بطل تخطط وبطل تدقق
انا من يوم ما عرفتك وانا ناسيه
بس اعمل اللي انت عايزو عشان حقك
بس اوعي في يوم تقولي إن انا القاسيه
لـ داليا مصطفي "حواديت"
كـ كتابة
تفاصيل
مرت حياتي زي ممر أضاء لبعض الوقت بعبور شخص، وكان متمرد وبحجاره اطفإها، واصبحت حياتي سوداء بسبب لعين لم يحبني بصدق، وتلك الوعود الطويلة كانت بداية علاقة لا بأس بها،وهو البؤس بحد ذاته، قلت له أريد شخص يسعدني وبدون إستدعاء فالحزن حاضر، قال اتميز بعادتي إني حاضر في كل مكان تريدينه وسعادتك هي مثل سعاده الورود حين تتبلل وتفرح، ومرت الأيام وها هو صاحب الورده لم يهتم بها وذبلت وذوبلت ومرت حياتي باهت لعينه.
#لـ_داليا_مصطفي #حواديت
الكتب الي اشتركت فيها:مفيش قريب هعمل كتاب منفرد
اشتغلت ليدر او مؤسس قبل كده و في كيان ايه: اشتغلت ليدر وعملت كيان وفريق بس انا مع فكرة انجح لحالك
الكيانات الي كنت فيها: مش فاكرة
نفسك توصل لأي في مجالك:مزنش إن في نهاية في المجال دَ حتي لو وصلت للي عايزاه هيبقا لسه هعافر عشان افضل في مكاني
تعرضت لحاجة احبطتك قبل كدَ في مجالك: اكيد، فكرة إن مفيش حد بيدعمك من اهلك وانهم حتي مشغلين دماغهم بمواهبك دَ شيء يوقعك
رسالة تحب تقولها لغيرك: مش مهم مين جنبك ولا مين بيدعمك، خليك داعم لنفسك، انت الوحيد اللي عارف مصلحتك فين مش هما، محدش بيحب الخير لغيرو.
استفادت ايه من تجربتك: قدرت اجسد الواقع علي الورق
اكتر عيوب فيك ك كاتب ونفسك تغيرها: نفسي ابطل احكي اللي حصلي في قصايد
بتواجه الإنتقادات إزاي: مش كل حاجه عكس كلامنا تبقا انتقاد ممكن تبقا نصيحه ولو انتقاد بواجهو ببرود، مزنش إن كلامهم هينفعني محدش بيحب الخير لغيرو
مين قدوتك فـ مجالك: هشام الجخ |ايراهيم فرج |عمرو حسن
كِتاب قرأته وترك أثر طيب تنصح بيه الجميع: مفيش
اي هيا الصعوبات الي وجهتك فـ طريقك: إن عندي رهاب اجتماعي وبخاف جداً إن حد يترول في بختفي
رساله منك للكُتاب المبتدئين: متسمعش حد غير نفسك
تتمني اي ل الجريده الفتره المقابله؟النجاح والتوفيق
شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..
- الـمـحـرره الـصـحـفيـه نـدى مـحـمـد"37"
#جريدة_نور_القلم
تعليقات
إرسال تعليق