حوار صحفي مع الكاتبه وسام محمود

تتقدم #جريدة_نور_القلم بِعمل حوار صحفي

الاسم: وسام محمود الكومي

السن: ١٩

المحافظة: القاهرة

الموهبة: الكتابة والرسم 

بدأت إمتى: من ثلاث سنوات

إكتشفتها إزاي: كنت بألف حاجات تلقائية مني وبحكي قصص وكنت بنبهر بنفسي لحد ما صديقتي شافتهم وقالت ان كتاباتي حلوه شجعتني أنشر اللي بكتبه

نوع الكتابة: خواطر وروايات فانتازيا وقصص قصيرة ومقالات 

مين دعمك: ماما وبابا وأهلي وأصدقائي

جزء من كتاباتك: في حُب العيون البُنية

عُدت اليوم أسير ببطء كأنني في حالة سُكْر أتمايل وأحاول أن أتماسك حتى أذهب إليه، أشجع نفسي وأقول إني إقتربت من المنزل، إقتربت من بابه فلتتماسكي قليلاً، وصلت أخيراً ورأيت الباب مفتوح والأجواء ساكنة ومظلمة بداخله توحي أن هذا البيت مهجور، بدأت أقترب بثقل جسدي لأسمع شهقات جعلت قلبي يضرب عظام قفصي الصدري وتناسيت ما كُنت أشعر به، كانت تتزايد كلما اقتربت حتى وصلت ودفعت الباب لأخره ويصدر صوت الزقيق لأراه ملقي على الأرض كطفل هزيل، شعرت وإذا بسهم يخترقني، رفع رأسه ونظر إليَّ بعيونه التي جفت بالفعل من الدموع، ظل ينظر بنظرات صدمة وأخرى لم أستطع أن أفهم ما يعنيه بها بعدما ساد الصمت على الأجواء واختفت الشهقات التي كادت أن تخلع قلبي من موضعه، وقف وركض نحوي لأتفاجأ..

ده نبذه تشويقيه من الرواية اللي بكتبها حالياً

الكتب الي اشتركت فيها: كتاب أرجوان تحت إشرافي وكتاب زهرة فلسطين بقصة زهرة فلسطين وكتاب عالم موازي بقصة ما زلت أحبه وبحضر ليا كتاب فردي حالياً

اشتغلت ليدر او مؤسس قبل كده و في كيان ايه: رئيس مبادرة وسام لدعم المواهب

الكيانات الي كنت فيها: لا يوجد

نفسك توصل لأي في مجالك: أوصل لشأن كبير في المجال ده وأساعد الكُتاب الناشئين إنهم يستمروا وأكتب حاجه تفيد الناس

تعرضت لحاجة احبطتك قبل كدَ في مجالك: أيوا

رسالة تحب تقولها لغيرك: هيجي أوقات كتير تحبطك، إعتبرها فترة راحة وهترجع أحسن من الأول يعني متستسلمش وخليك لطيف.


استفادت ايه من تجربتك: إني مثقش فـ أي حد وإن دايماً مفيش حد أحسن حاجة بل فيه الأحسن منه وإن مستناش دعم من حد وأدعم نفسي


اكتر عيوب فيك ك كاتب ونفسك تغيرها: إني بكتب بمشاعري اكتر ما بكتب بعقلي وعايزه يبق فيه توازن بينهم ومنساش الأفكار اللي هكتبها لما أجي اكتبها


بتواجه الإنتقادات إزاي: لو شايفه انها صح والشخص معاه حق بحاول أحسن من نفسي غير كده مبركزش 

مين قدوتك فـ مجالك: دكتور أحمد خالد توفيق وحنان لاشين 

اي هيا الصعوبات الي وجهتك فـ طريقك: إن مفيش متابعين كتير مثلاً وده تقريباً معظم الكُتاب بيعانوا منه وإني بيجي عليا أوقات كتير بفقد شغفي بكل حاجه 

رساله منك للكُتاب المبتدئين: مش أي انتقاد سلبي يحبطك وبلاش عشان تجيب ريتش ومتابعين كتاباتك تنحدر وتضطر تتخلى عن مبدأك وتكتب نفس السيناريو بتاع حد تاني، خليك مميز ومتستسلمش


شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..
#جريدة_نور_القلم

تعليقات

المشاركات الشائعة من هذه المدونة

حوار صحفي مع الكاتبة أسماء السيد علي

حوار صحفي مع الكاتبةجنه ياسر

حوار صحفي مع الكاتبة جنة نصر محمد