حوار صحفي مع الكاتبه روان صقر
كثيرًا من الناس تندهش و يظهر فِي ذهنها علامات إستفهام حول روان صقر و دراستها و علاقتها بعلم الآثار ، حدوث طفرة وهذه ضمن الصعوبات التي واجهتها ؛لتتمكن من أثبات ذاتها في مجال صعب ومتسع الآفاق رغم عدم دراستها له و إليكم الآن الحوار لفك تلك الألغاز.
روان صقر كيف بدأت مشوارك و ما هي نقطة التحول التي بسببها أصبح لك أثرٌ كبير فِي حياتك و حياة من حولك ؟
أنا روان صقر عندي 17 سنة ، فِي تالتة ثانوي أدبي ، بدأت أكتب من و أنا عندي 14 سنة ، دونت أول رواية ليا و كانت بمثابة طفرة و بداية لمشواري .
أهتمامي بدراسة التاريخ كان من صغري ، أنبهاري بالحضارة الغريبة كان بالنسبة ليا دافع لأني أدرس وأكتشف أكتر وأتعمق أكتر .
إيه أول دعامة لوصولك لحلمك فِي مجال الآثار ؟
بدأ يوم 2021/1/15 ، كنت بقلب بالصدفة و لأني كنت حبة المجال فـَ كنت مشتركة فِي جروبات أثرية ، ظهر قدامي إعلان لبيدچ أثرية أنها فتحت باب الانضمام للِ حابب يكتب ، وقتها فرحت أن دي أول سلمة للوصول لحلمي ،دخلت وفضلت أكتب فـِ تيم أنوبيس مقالات كنت محروجة شوية لصغر سني و لأنى أصغر واحدة دخلت المجال دا أصلاً ، مع الوقت خبرتي كبرت ومعلوماتي كترت لحد ما وصلت وبقيت مسؤلة سوشيال ميديا لا أقل أهمية عن المسؤلين فيه.
إيه اللِ روان صقر بترسمه في طريقها ولسة محققتوش ؟
حلم من أهم أحلامي أن أشوف كتاب علىٰ رُفوف معرض الكتاب و يكون بأسمي فـَ بالفعل من فترة قصيرة نزل ليا أول كتاب مشترك مع كيان تبلج قلم و فـِ طريقي لتاني معاهم ، بالأضافة إني نفسي كتاب بأسمي الخاص ينزل و يكون سيرة ذاتية ليا بس أكون وصلت لحلمي و شخصية مؤثرة فِي مصر .
بم تنصحي الكُتاب فِي بداية حياتهم؟
أنصح كُل كاتب أنه يستمر وميأسش الفرصة بتيجي في الوقت المناسب و إن السوشيال ميديا بقت بتوفر لينا مساحة كبيرة لنشر أفكارنا و مقالاتنا ، و إنك تقدر بقلمك تغير العالم و من خلالها هتيجي الفرص اللِ هتفتحلك فرصة فـِ مكان أكبر .
هل واجهتي صعوبة بين الموازنة في دارستك وشغلك ؟
في البداية واجهت صعوبة في أني مش عارفة أوازن بين دراستي وحبي للكتابة وشغلي في التيم ، بس مع الوقت عرفت أظبط نفسي ومتعدتش علىٰ وقت الشغل التاني .
ما هي أكثر الأشياء التي أثرت عليكِ بالسلب و قدرتي تتخطيها بنجاحك ؟
أنا بشبه السلبيات بالعواميد اللِ بتكون في الطريق ، فـَ تخيل و أنت سايق عربيتك و لفيت عشان تبص وراك طبيعي تلبس في عامود فَـ عشان كدا طول ما أنا عندي هدف و عاوزة أحققه بركز بس في طريقي و إني أوصل و مبحاولش ابدًا ألتفت لأي شيء ورايا وأصعب شيء ممكن قابلتني هي لما بنت فـِ كلية قالتلي " روان إنتِ قدوتي " ، عشان كدا مش مهم تبقىٰ مُبهر للِ قدامك ، المهم تكون حقيقي وتقدر توصل لحلمك .
نصيحة بقا للشباب اللي زيك.
نصيحتي للشباب اللِ زيي إننا في فترة تكوين عقلي بيبدأ تفكيرنا وإدراكنا بيتغير مع مرور الوقت ،لازم ينمو مهاراتهم تجاه أي شيء بيحبوه ،إحنا في سن الإستكشاف للعالم بتاعنا لازم نشتغل ونحط أُسس لينا عشان نقدر نبني مستقبلنا ، أنا كـ روان بشبه مستقبلي بالبيت الكيان اللِ هيلم شملي وهيكون عزوة ليا في مرحلة ثانوي هي مرحلة بناء جدار البيت والأعمدة والكلية هي بناء البيت نفسه لو اساس البيت بايظ يبقىٰ أنت عمرك ما هتحصد إنجاز ليك ، حاجة تانية بتواجه معظم الشباب هي النقد في مدرس عزيز عليا قالي جملة عمري مهنساها قالي "أوعي تربطي ثقتك فنفسك بحد" معنىٰ كلامه إن مهما حد يقولي كلام سلبي منهارش ولا أتأثر أنت عندك خيارين يا تاخد الكلام دا بتحفيز وتحدي يأما تطنش الكلام دا .
عيبنا كـ شباب إننا بنتردد وثقتنا بتكون مهزوزة في نفسنا ودا اللِ بيخلينا نأجل خطوات وبنضيع فرص كتيرة ،كانت هتكون سبب في نقلنا لمكانة تانية.
تعليقات
إرسال تعليق