حوار صحفي مع الكاتب اسلام سلوماني

تتقدم #جريدة_نور_القلم بِعمل حوار صحفي

الاسم: ياسين يحيي عبد السلام على

الشهره : اسلام سلومانى

السن: 20 سنه

المحافظة: البحيرة مركز الدلنجات

الموهبة: كاتب 

بدأت إمتى: لما كنت في 2 اعدادى سنة 2016

إكتشفتها إزاي: كنت بذاكر و بالتحديد نصوص

ف جه في بالى ان ليه مكنش زى الناس دى ؟

وسعتها كتبت اول حاجه ليا وكانت قصيده وطنيه

نوع الكتابة: خواطر ، شعر 

مين دعمك: ملييش حد بيدعمنى الا شخص واحد بس، الاستاذه : هبه أحمد 

إنجازاتك:

كتاب الكتروني فردى " العاشر من مايو"

٣ كتب جماعيه جارى النشر

جزء من كتاباتك:

اني أنستُ حُزنا، اتدري وما هو الحزن تعالي معي الي روحي الداخليه لكي تري كل ما هو باطن، لكي تري ما لم يستطيع ان يراه الناس او يعلم به، انظر الي تلك الكم الكبير من الاحزان العميقه، احزان هائله جدا تتجسد علي شكل شحنات كهربائيه دافعه، جميع هذه الشحنات ما هي الا طاقة سلبيه وتستنزف هذه الطاقه ومع تجديد الاحزان تتجدد هذه الطاقه مره اخري وتستنزف، كل هذا الكم من الطاقه السلبيه ينتج عنه تحطم القلب جزئيًا حتي صرتُ لا اشعر ب أي الآم أخري، لأنه من اعتاد علي شئٍ من صغره أصبح رفيقه طوال مسيرتهُ، الالام الداخليه لا توصف فلا يغرنك تقلب الوجوه الظاهره ما دمت لا تعلم ما وراء هذه التقلبات.

الكتب الي اشتركت فيها:

جاري النشر....

اشتغلت ليدر او مؤسس قبل كده و في كيان ايه: 

نائب لكيان جرينتا

ليدر تيم في كيان رماد

اتش ار لكيان كازابلانكا

الكيانات الي كنت فيها:

رماد ، كازابلانكا، الاسهم الليليه ، جرينتا

نفسك توصل لأي في مجالك:

انا مش عايز اوصل لحاجه في حيتى تمًا ، لكن عايز افرح امى بس ، وبأى طريقه 

تعرضت لحاجة احبطتك قبل كدَ في مجالك:

تعرضت لحاجات كتيره ومنها اتقال عليا ان فاشل واتقال عليا ان عقليه مجنونه ، واتقال عليا ان انا مش بعرف اكتب ومع احترامي للى قال عليا كده بس حابب اذكر اسمائهم هم : محمود عبد الفتاح ، سيد شعراوى ، عبد الرحمن الشناوى " بودى "، مؤسس كيان افلاطونى

رسالة تحب تقولها لغيرك:

اشتغل على نفسك وحب نفسك بس ، على قد مهتحب نفسك على قد مهتلاقي نفسك فوق 

استفادت ايه من تجربتك:

استفدت حاجات كتيره منها ان استرجعت التنمية اللغويه بتعتى ، وان لقيت حاجه تسلينى وقت مللى 

اكتر عيوب فيك ك كاتب ونفسك تغيرها: 

ان انا مكملتش تعليمى وان لما بعدت عن التعليم نسيت بعض قواعد اللغه ف مبجدش اللغه العربيه الفصحى ب اتقان ، ودى اكبر عقبه بتواجهنى 

بتواجه الإنتقادات إزاي: 

بعتبرها منشطات 

مين قدوتك فـ مجالك: 

انا قدوت نفسي وبس .

كِتاب قرأته وترك أثر طيب تنصح بيه الجميع: 

الف ليله وليله ، ٥٠٠٠ فكره في ٥ دقايق ، البداية لمن سلك طريق الهدايه

اي هيا الصعوبات الي وجهتك فـ طريقك: 

ظروفي ال بمر بيها ، الوقت ال مش بملكه ، والجيش بتاعى معطلنى عن حاجات كتيره، وطبعًا الماديات ودا شئ اساسي

رساله منك للكُتاب المبتدئين:

احتفظ برسالة انك فاشل ومش هتصلح للكتابه وبروزها وحطها خلفيه لفونك كمان ،واشتغل على نفسك لحد مترد على الكلام ده وساعتها هتحس انك عملت انجاز 

شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..

#جريدة_نور_القلم