حوار صحفي مع الكاتبه بوسي "سندريلا"

- مايو 30, 2022

تتقدم #جريدة_نور_القلم بِعمل حوار صحفي

الاسم:

بوسي "سندريلا"

السن:

المحافظة:

القليوبية

الموهبة:

كتابة

بدأت إمتى:

من واناا عمري 12 سنة تقريباا

إكتشفتها إزاي:

كانت مجرد صدفة، كتبت مسرحية بعنوان "أرقى ما يتعلمه الإنسان" كانت باللغة العامية، ومثلتها أنا وبعض أصحابي فعلا ف حفلة ف مسرح المدرسة، نالت اعجاب كبير من أساتذة كبار وأولياء أمور، وأخدت الفقرة الأولى على مستوى الحفلة، واتصعدناا بيهاا للإدارة ااتعليمية والمديرية وكناا ف الأخر المركز الأول مكرر بعد مسرحية باللغة العربية الفصحى، من وقتها اكتشفت ف نفسي الموهبة ومع الوقت بدأت تتطور.

نوع الكتابة:

خواطر "لغة عربية فصحى وعامية"

شعر "لغة عربية فصحى وعامية"

اسكريبتات "عامية"

مسرحيات "عامية"

مقالات وقصص قصيرة "لغة عربية فصحى وعامية"

مين دعمك:

إيماني بموهبتي، والسوشيال ميدياا أثرت فياا إيجابيًا بطريقة خاصة

إنجازاتك:

_إنجازي الأول ف مشواري الأدبي كان إني اتصعدت للمديرية التعليمية بمسرحيتي وكانت بداية غير متوقعة بالنسبة ليا، وكانت سبب ف إن تم اختياري ل إلقاء شعر ف السنة اللي بعدها واخدت المركز التالت على مستوى المحافظة.

_بعد كدة اخدت اكتر من 20 شهادة إلكترونية من اكتر من كيان واكتر من تيم سواء ل ارتجالات او مسابقات وكنت دايما ف المراكز الأولى

_اتكرمت من جريدة الفكر العربي وأربع جهات كبار كمان بدرع سفير التميز والإبداع لسنة 2021، والتكريم كان ف حفلة كبيرة ف نقابة التطبيقيين بحضور أهم الإعلاميين والفنانين الكبار اللي كناا محظوظين بوجودهم حقيقي

_بعد كدة تم معاياا تسجيل "الحلقة السادسة من برنامج حكاية كاتب"، ده برنامج يوتيوب الحلقة موجودة تقدروا تشوفوها، كانت مع جريدة عقول راقية وطبعا كانت تجربة حلوة جدا

_كمان تم تسجيل "الحلقة الرابعة من برنامج مشوار كاتب"، لكن ده كان برنامج راديو وللأسف متذاعش بعد كدة لكن برده كانت تجربة مش وحشة أبدا

وبرده نزل ليا بوست على بيدج فيسبوك اسمها "النماذج المشرفة لجمهورية مصر العربية" وحقيقي كانت مفاجأة عظيمة جدا

_الأعمال بقاا اناا اشتركت ف كتاب "اكليل، السلام المسلوب" ودي كتب ورقية مجمعة خواطر

وكتب الكترونية كتير منهم "رسائل بين السطور، بحار الأمل، خواطرنا، نثر أقلام، أطياف راحلة ....وغير دول كمان"

_لياا كمان نصوص كتير جدا على جريدات الكترونية زي "جريدة زادك ودي اسمي ظهر فيها ف محرك البحث على جوجل، جريدة الفكر العربي، جريدة حياة أفضل، جريدة عقول راقية"

_واخر حاجة اكتر من 8 حوارات صحفية مع مبادرات وكيانات وجريدات كتير زي "مبادرة آسين، كيان جلنار، جريدة أبداع الأحرف، جريدة الفكر العربي، كيان توهج قلم ....وغيرهم كمان"

جزء من كتاباتك:

عندمَا التقيتكَ لأوَّلِ مرَّة، كلُّ ما أردتُ أن أقولَهُ هو: مَرحبًا، أَيُمكنكَ البَقاء إلى الأبَد!‏

والآن: وقبل أن أنام أريدك أن تعرف أنني أغرق بك يومياً، حباً وفكراً وانني في كل مرة ظننت بها أني نجوت منك وجدتني أهوى بك سبعين قاعاً، أشعر بك هنا، إنك بداخلي أكثر من اي شخص اخر.. عندما تشعر أن كل الأماكن لا تناسبك: تعالى إلي هنا، وتأكد أن قلبي الصغير سيتسع لك دائمًا، إنه بيتك‏، ستبقي فيه فريداً وحيداً بلا أي شبيه أبداً..

واخيرًا:

لْـۆ كان سجني حضنك، ومعتقلي عينيك، وقيودي أضلعك ..فلتسقط كل مفردات الحرية.

الكتب الي اشتركت فيها:

اشتركت ف كتاب "اكليل، السلام المسلوب" ودي كتب ورقية مجمعة خواطر

وكتب الكترونية كتير منهم "رسائل بين السطور، بحار الأمل، خواطرنا، نثر أقلام، أطياف راحلة ....وغير دول كمان"

اشتغلت ليدر او مؤسس قبل كده و في كيان ايه:

تقريباا كل الكيانات اللي كنت كاتبة فيها بقيت بعد كدة ليدر فيها كان منهم "كيان أرفلون، كيان جلنار، كيان الديجور، كيان إبداع الأحرف، كيان حلم، كيان ريتان، حكايات وروايات، أحفاد حواء، كيان كلمة ونص، كيان فلورا، مبادرة زادك ،مبادرة آسين، مبادرة عقول راقية، مبادرة كتاب المستقبل ...."

الكيانات الي كنت فيها:

نفس الكيانات اللي كنت فيها ليدر

نفسك توصل لأي في مجالك:

بخطط ان شاء الله لإنشاء جريدة الكترونية تكون برة الصندوق، كمان حابة أكبر المحتوى بتاعي من خلال الكتب الفردية أو النشر الإلكتروني أو البلوجر وفي مفاجآت تانية لسة بيتخطط ليها، لكن ان شاء الله كل حد كان مهتم وبيتابع المحتوى بتاعي هيلاقيني على كل السوشيال ميديا قريب

تعرضت لحاجة احبطتك قبل كدَ في مجالك:

انا حاليا خارجة من فترة إحباط مش بسبب أشخاص او حاجات بعينهاا لكن عدد المتابعين اللي شبه بينتهي بالوقت والتغييرات اللي حصلت ف حياتي الفترة الأخيرة كانت مضيعة شغفي ف الكتابة لدرجة إن بقالي تقريبا 6 شهور مليش محتوى كبير على السوشيال ميديا

رسالة تحب تقولها لغيرك:

إبدأ، أيًا كان هدفك أو موهبتك أبدأ، جرب مش هتخسر حاجة، أقع وقوم، أغلط واتعلم، بوظ وصلح، جرب إحساس النجاح وبعده إحساس الفشل، لأنك مش هتستغنى عن لذة النجاح وهتسعى ليها من جديد.

استفادت ايه من تجربتك:

إن ما يُهمله الذات، يُهمله الآخرون أيضًا

لو مهتمتش بمحتواك محدش هيهتم بيه، لو حطيت ف دماغك الناس واللي بيقولوه مش هيبطلوا يقولوا، لو بطلت تسعى متستناش نتيجة ..

وإن حقيقي لا يدوم إلا وجه الله سبحانه وتعابر

اكتر عيوب فيك ك كاتب ونفسك تغيرها:

أنتكس من أي شئ فيه نجاح، والكسل

بتواجه الإنتقادات إزاي:

التجاهل، قد يكون صعب ف البداية لكن بالتعود هتتقنه

مين قدوتك فـ مجالك:

أي حد بدأ من مكان ما بدأت وقد يكون اللهم بارك وصل ل شئ كبير جدا دلوقتي ومتابعين محتواه بالألوف، أي حد مرت عليه ظروف كانت ممكن تمنعه يكمل وقدر يواجههاا وميستسلمذ

كِتاب قرأته وترك أثر طيب تنصح بيه الجميع:

مش من هواة قراءة الكتب، لكن بحب المقتطفات الواقعية

اي هيا الصعوبات الي وجهتك فـ طريقك:

ممكن اني مبقدرش انفذ بعض الأفكار الالكترونية لنفسي بشكل كامل، يعني مثلا مقدرش أصمم جريدة الكترونية لنفسي ومعنديش الخبرة الكافية مين ممكن يعملها وتكون زي ما انا عايزة، وكمان قلة المتابعين وإني صعب أكبر محتوى السوشيال ميدياا بتاعي

رساله منك للكُتاب المبتدئين:

متاخدش حد قدوة غير حد كتاباته بتلمس روحك، مش بس مصطلحات كويسة لأنك مش ناقل انت "كاتب"، بتحس الأول وبعدين تكتب بإسلوبك

شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة من بِها أكبر الداعمين لك ولقد تشرفنا بوجودك معنا..

#جريدة_نور_القلم