حوار صحفي مع الكاتبه تقي أشرف "آريكوس"

تتقدم #جريدة_نور_القلم بِعمل حوار صحفي

الاسم: تقى أشرف. "آريكوس"

السن: 19سنه

المحافظة: القاهره

الموهبة: كتابه خواطر وشعر 

بدأت إمتى: من اربع سنين 

إكتشفتها إزاي: 

كنت بحاول ألاقي طريقه أخرج بيها اللي جوايا وكانت الكتابه هي الطريق الأمثل

نوع الكتابة:خواطر وشعر 

مين دعمك: مامتى وصاحبه عمرى

إنجازاتك:اخدت مراكز كتير من كذا كيان واهم طيف وارت ورلد وتصنف ارتجالى واحد من ضمن أفضل عشر ارتجالات ع مستوى محافظات مصر

جزء من كتاباتك:

‏كيف السبيل؟ وأين منك المهْربُ؟ 

يا من أقمتَ بخافقي بل أقربُ!؛ 

الشمس تغرب كل يومٍ مرةً، 

لكنّ شمسك في الهوى، لا تغربُ. 

أوكلما اثّاقلْتُ فيك جحدتني

أبكي عليك، وللبكا تسْتعْذبُ، 

وأنا اكتفيت من الحياة بجثتي. 

ووهبتُ قلبي، في هواك يُعذّبُ

ولأنت أعلم بالهوى من أهلهِ

،،فبأي آلاء الغرام تُكذبُ؟

اشتغلت ليدر او مؤسس قبل كده و في كيان ايه: ليدر مساعدفى مبادره طيف بحر 

الكيانات الي كنت فيها:طيف بحر، ابداع قلمى،خفايا قلم،آزاد،فكره،نانيس،شيزوفيونكه،وعضو فى منظمه ارت ورلد.وكذا جريده.

نفسك توصل لأي في مجالك:

نفسي أعمل ديوان شعر يكون خاص بيا 

تعرضت لحاجة احبطتك قبل كدَ في مجالك:

 أكيد أكثرها الإنتقادات السلبيه وإني فتشله ومش هوصل لحاجه 

رسالة تحب تقولها لغيرك: 

كل إنسان ربنا إداله ميزه مش شرط تكون كاتب أو شاعر علشان تكون معروف ومش شرط تكون معروف أصلا المهم إنك ما بينك وبين نفسك ما تحسش بتقصير إعما اللي عليك وأكيد فرصتك هتيجي ربنا مش بيضيع أجر حد 

استفادت ايه من تجربتك:

إني أعرف أتقبل الانتقاد والرأي والرأي الآخر وأكون عارفه إنه من غير سلبيات مش هيكون فيه إيجابيات

اكتر عيوب فيك ك كاتب ونفسك تغيرها: 

بتواجه الإنتقادات إزاي: 

كنت ف البدايه بكون محبطه من الإنتقاد لاكن دلوقتي بستخدمها ك دافع وبحاول أصلح غلطاتي عن طريقها 

مين قدوتك فـ مجالك: أمل القنوانى "طيف"

كِتاب قرأته وترك أثر طيب تنصح بيه الجميع: 

في قلبي أنثي عبريه

اي هيا الصعوبات الي وجهتك فـ طريقك: 

صعوبات كتير بس يمكن أشدها عليا إني ما كانش في حد مؤمن بموهبتي والأغلبية كانو بيقولو إني مش هوصل 

رساله منك للكُتاب المبتدئين:

ما تيأسوش واختارو المحتوي اللي تلاقو فيه نفسكو بلاش تدخل ف حاجه مش شبهك 

شكراً جداً لحضرتك وبـ نتتمني لك مزيدا من التقدُم وننتظر منك قريباً عملاً خاص بك وستكون الجريدة ومن بِها أكبر الداعمين لك ولقد تشرفنا بوجودك معنا..

#جريدة_نور_القلم